UMFCCI The Republic of The Union of Myanmar
Federation of Chambers of Commerce and Industry

ကုန်သည်စက်မှုအသင်းချုပ်တွင် လျှောက်ထား နိုင်သော Master of Business Administration (MBA) Scholarship များ

Global MBA Scholarship Program
*****
ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် နှင့် ထိုင်းနိုင်ငံ University of the Thai Chamber of Commerce (UTCC) တို့ ပူးပေါင်း၍ ပုဂ္ဂလိကစီးပွားရေးလုပ်ငန်းခွင်မှ ဝန်ထမ်းများ၏ စွမ်းဆောင်ရည်မြင့်မားရေး၊ နိုင်ငံတကာနှင့် ရင်ဘောင်တန်းနိုင်ရန် ရည်ရွယ်လျှက် “စီးပွားရေး စီမံခန့်ခွဲမှု မဟာဘွဲ့”သင်တန်း (Global MBA) ကို ဖွင့်လှစ်လျက်ရှိရာ အသင်းဝင်များအနေဖြင့် ပညာသင်ဆု လျှောက်ထားနိုင်ပါတယ်။

သတ်မှတ်အရည်အချင်းများနှင့် ပြည့်စုံသူများသည် UMFCCI နှင့် UTCC တို့မှကျင်းပသော ရေးဖြေစာမေးပွဲများနှင့်လူတွေ့စာမေးပွဲများကိုဝင်ရောက်ဖြေဆိုပြီး ရွေးချယ်ခံရပါက ပညာသင်ဆုဖြင့် တက်ရောက် နိုင်မှာ ဖြစ်ပါတယ်။

ဂျပန်နိုင်ငံ JDS ၏ MBA ပညာသင်ဆု
*********

The Project for Human Resource Development Scholarship (JDS) အစီအစဉ်ဖြင့် ဂျပန်နိုင်ငံရှိ တက္ကသိုလ်များတွင် သင်တန်းကာလ (၂) နှစ်ကြာ သင်ကြားမည့် Master of Business Administration (MBA) သို့ အဆိုပါ Program ၏ ထောက်ပံ့မှုဖြင့် တက်ရောက်နိုင်သော ပညာသင်ဆု ဖြစ်ပါတယ်။

အဆိုပါ ပညာသင်ဆုတွင်
Economics/ Business Administration,
Master of Business Administration နှင့်
Information and Communication Technology (ICT) ဟူ၍
ခွဲခြားလျှောက်ထားနိုင်ပြီးပညာသင်ဆုရရှိသူများအနေဖြင့် ဂျပန်နိုင်ငံရှိ တက္ကသိုလ်များဖြစ်သော International University of Japan (IUJ) များနှင့် Ritsumeikan Asia Pacific University (APU) များတွင် တက်ရောက် သင်ကြားရမည်ဖြစ်ပြီး ကုန်ကျစရိတ်အဝဝကို ဂျပန်နိုင်ငံအစိုးရမှ ကျခံမှာဖြစ်ပါတယ်။

ပညာသင်ဆုအား အသင်းချုပ်မှ လျှောက်ထားနိုင်သော သတ်မှတ် အရေအတွက်များအတိုင်း အသင်းချုပ်မှ ရွေးချယ် စေလွှတ်ပြီး JDS Program မှ အဆင့်ဆင့်စိစစ်ရွေးချယ်ပြီး အောင်မြင်သူများကို ပညာသင်ဆု ပေးအပ်ခြင်းဖြစ်ပါတယ်။

MBA - Young Leadership Program
********

လူငယ် ခေါင်းဆောင်များအစီအစဉ် (YLP) သည် အာရှနှင့်အခြားနိုင်ငံများရှိအနာဂတ် စီးပွားရေး ခေါင်းဆောင်များကိုမွေးထုတ်ရန်၊ နိုင်ငံများအကြား ချစ်ကြည်ရင်းနှီးမှုကိုတည်ဆောက်ရန်နှင့် ဂျပန်နိုင်ငံ၏ နားလည်မှုကို ပိုမိုနက်ရှိုင်းစေခြင်းဖြင့် စီးပွားရေးခေါင်းဆောင်များအကြား ကွန်ယက်တစ်ခုတည်ဆောက်ခြင်းဖြင့် မူဝါဒရေးဆွဲခြင်း လုပ်ငန်းများ တိုးတက်စေရန်အထောက်အကူပြုရန်ရည်ရွယ်ပါတယ်။

ဂျပန်နိုင်ငံအစိုးရ Ministry of Education, Culture, Sports, Science and Technology (Monbukagakusho: MEXT) မှ Young Leaders’ Program (YLP) ဖြင့် ပေးအပ်သည့် Master of Business Administration (MBA)(၁)နှစ် ပညာသင်ဆုဖြစ်ပါတယ်။